Үздік еңбек әулеттерін және өндіріс қызметкерлерін анықтау мақсатында, қала тұрғындарын жыл сайынғы «Еңбек жолы» республикалық байқауға қатысуға шақырамыз

Байқауға кәсіпорынның барлық қызметкерлері (саласына қарамастан) қатыса алады.

Номинациялар:

1) «Үздік еңбек әулеті» - саладағы ең ұзақ еңбек өтілі бар отбасы, бір отбасының жақын туыстарының екі және одан да көп ұрпағын (ерлі-зайыптылардың бірі немесе екеуі балаларымен немесе немерелерімен бірге) білдіретін, ең көп марапаттары бар бір ұйым.

2) «Үздік жас өндіріс қызметкері» - өндірістің ең белсенді және еңбекқор жұмысшысы таңдалады (жұмыс өтілі 5 жылдан кем емес);

3) «Жұмыс істейтін жастардың үздік тәлімгері» - ең жоғары тиімді тәлімгер таңдалады (жұмыс өтілі 20 жылдан кем емес).

Байқауға қатысуға үміткрелердің өтініші ағымдағы жылғы 1 шілдеге дейін қабылданады, қатысу үшін мына құжаттар ұсынылады (мемлекеттік және орыс тілдерінде):

1) номинация көрсетілген, еркін нысандағы конкурсқа қатысу туралы өтініш;

2) жеке куәліктің көшірмесі ;

3) номинация тақыры бойынша 1-2- минуттан кем емес видеоролик (қалауы бойынша жұмыс орны мен дағдыларын көрсете отырып);

4) конкурсант туралы (жұмысы, отбасы, қызығушылығы, сүйікті ісі және т.б.)1 минуттан аспайтын компьютерлік презентация (Microsoft Power Point форматындағы);

5) еңбек әулетінің әр өкілінің немесе жұмыскердің жұмыс өтілін растайтын, жұмыс беруші куәландырған еңбек кітапшасының және өзге де құжаттардың көшірмелері (жұмыс орнынан анықтама);

6) жұмыс берушіден немесе кәсіподақтан ұсыныс хат.

* Бар болған жағдайда (келесі құжаттардың көшірмелері):

мемлекеттік немесе ведомстволық наградалар, мадақтамалар, алғыс хаттар;

біліктілігін арттыру туралы сертификаттар (болған жағдайда).

Өңірлік және республикалық кезеңдерге қатысу тегін.

«Еңбек жолы» байқауына қатысу ережесі мен тәртібі туралы толығырақ ақпаратты «Қарағанды облысының еңбек инспекциясы жөніндегі басқармасы» ММ-нің сайтынан, сондай-ақ, Саран қаласының жұмыспен қамту және әлеуметтік бағдарламалар бөлімінен (Саран қ., Жеңіс көш., 45, № 3 каб, анықтама телефоны 76770) білуге болады.