Қазақстан Республикасы – көп ұлтты мемлекет болғандықтан, татулығы мен  бейбітшілігін  сақтап, ұлтаралық  бірліктің  маңыздылығын   негіздейтін  фактор – қазақ тілі болып табылады. Тіл  арқылы   халықтың  мәдениетін, дәстүрін, дінін  танып   білуге  болады. Тіл  жоқ  жерде – ұлт жоқ. Тіл – ұлттың жан дүниесі, ақыл – ойының көрінісі. Тіл мен ұлт  тағдыры  бір – бірімен  біте қайнасқан.Оларды  ажыратып  қарауға  болмайды.

Қазіргі  кезде  қызметтерде,  мемлекеттік  мекемелерде  іс жүргізу құжаттарының  барлығы  мемлекеттік  тілге көшірілген.  Мемлекеттік қызметте  мемлекеттік тілді қолдану  – әрбір қызметкердің  басты міндеттерінің бірі болып табылады.

Саран  қаласының  полиция  бөлімінде мемлекеттік тіл мәселесі бір жолға қойылып, тіліміздің  деңгейін  көтеруде  барлық  жағдай  жасалып  келеді. Мемлекеттік тілді дамыту және қолдану мәселесі бақылаудан тыс қалып көрген емес.  Ішкі және сыртқы коммуникациялар  тобының  басты  міндеттері  полиция  бөлімінде  мемлекеттік  тілдің  қолдануын  қамтамасыз  ету, қызметкерлердің  мемлекеттік  тілді  үйренуін  ұйымдастыру,  «Қазақстан Республикасындағы  Тіл туралы»   Қазақстан  Республикасының  Заңын насихаттау  және  түсіндіру,  нормативтік құқықтық актілерді  және  полиция бөлімінің  өзге де құжаттарын  редакциялау,  Қазақстан Республикасының заңнамасына  сәйкес  өзге де қызметтерді жүзеге асыру болып табылады.

Қазақстан Республикасында тілдерді  дамыту мен қолданудың 2020-2025 жылдарға арналған мемлекеттік бағдарламасын іске асырудың іс – шаралар жоспарына сәйкестендірілген,  Саран қаласының ПБ-де өз жұмыс жоспары бекітілген. Жоспарда мемлекеттік тілді дамытуға  бағытталған іс- шаралар көрсетілген. Мемлекеттік тілдегі шығыс және кіріс құжаттарының көлемі үнемі  өсу  үстінде. «Мемлекеттік тіл – барлық қазақстандықтарды біріктіретін фактор болуы тиіс», – деген мағыналы сөздер арқылы, мемлекеттік тілді дамыту бойынша нақты міндеттер жүзеге асуда.

 Осыған орай,  осы  салада  атсалысып  жұмыс  істейтін  барлық қызметкерлерді  25 – қазан  Қазақстан Республикасы  күнімен  құттықтай отырып,  қиындығы  мен  қызығы қатар  жүретін  қызметтерінізге зор табыс, отбасыларыңызға  амандық,  бақ – береке, бірлік  тілеймін.

Отанымыз –  Қазақстан   Республикасының   гүлденуі  жолындағы  қызметтеріңізде  сәттілік  болсын!

Ж. Джумашева,

Саран қаласының полиция бөлімі