Таяуда Саран қаласының  балалар мен жасөспірімдердің мамандандырылған олимпиадалық резерв мектебінде ұлдар және қыздар арасында жүзуден жеке біріншілік өтті.

Салауатты өмір салты мен жүзуді насихаттау мақсатында ұйымдастырылған спорттық шарада 2013-2014 жылдары туған және одан да кіші ер балалар мен қыздар бақ сынаған. Бас-аяғы 42 спортшы біріншілікке қатысқан. Жарыс жолына шыққан әрбір баланың нәтижесін төрешілер қарап, бағалап отырды.

 Біріншілікте 2014 жылы туған және одан да кіші қыздар арасында 1-орынмен Л.Кононова, 2-орынмен  Нащекина Диана, 3-орынмен  Цепелева Ульяна марапатталды. Ұлдар арасында Севостьянов Виталий 1-орынды, Пастухов Егор 2-орынды,  Ямгиров Рустам 3-орынды алды.  2013 жылы туған спортшылар ішінен қыздар арасында Телегина Татьяна 1-орынға, Парфененкова Марианна 2-орынға жайғасты. Ер балаларда Власов Денис 1-орынға,  Раздобреев Адриан 2-орынға, Байрамов Григорий 3-орынға ие болды. Жеңімпаздар мен жүлдегерлерге арнайы грамоталар табыс етілді.

Дина ӘБДІҒАЛИЕВА