24 қазан күні «Алтын күз»   мектепішілік  іс-шарасы өтті. Бұл іс-шара оқушыларға күз кереметтерін көрсету, оқушылардың бойына сахналық мәдениетті қалыптастыру мақсатында өткізілді. Іс-шара барысында оқушылар күз мезгіліне байланысты  дайындаған өнерлерін таныстырды.

Байқау үш кезеңнен тұрды. Әр кезең бойынша әділқазы алқалары бағалап отырды. «Таныстыру», «Сән үлгісі», «Өз өнері» кезеңінде барлық қатысушылар жоғары ұпайлар алып, ерекше көзге түсті. Оқушылар  ортаға өздері жаттаған тақпақтары мен өнерлерін көрсете білді. Мерекелік іс-шараға  әділ-қазылар алқасы өз бағасын берді. Байқау соңында  сайыскерлердің бәрі мақтау қағазымен, грамоталармен марапатталды. Бұл іс-шара мереке мен шаттықтың орнына айналды. Ешкім сырт қалмайтындай және әркім өз бойындағы бар өнерін салатындай көңілді де, ұмытылмас атмосфера орын алды. Бұл іс-шара ата-аналар мен балалардың бірлескен шығармашылықтары негізінде ұйымдастырылды. Ұйымдастырушылар: 2”ә” сыныбы, сынып жетекшісі – Д.Д. Базылова және  3”ә” сыныбы, сынып жетекшісі – Ұ.С. Қалмұрат.

 Д.Базылова,

«№6 жалпы білім беретін мектеп» КММ бастауыш сынып мұғалімі