Абай Құнанбайұлының 180 жылдық мерейтойына орай өткен облыстық байқауда қалалық тілдерді дамыту орталығының тіл волонтері жүлделі орынмен марапатталды.

Қарағанды облысының тілдерді дамыту жөніндегі басқармасы ұйымдастырған «Абай атындағы көркемсөз оқу шеберлерінің облыстық байқауға» жан-жақтан 25 үміткер келіп, бақ сынаған. Қатысушылар хакім Абайдың өлеңдерін және оның ақын шәкірттерінің шығармаларын жатқа мәнерлеп оқудан, қара сөздерін көркемсөз оқу талаптарына сай орындап шығудан жарысты.

Дарынды қатысушылар арасынан «Абай оқулары»  қалалық байқауының жеңімпазы, Саран қаласының тілдерді дамыту орталығының волонтері Марат Алтынай 2-орынға ие болды.

Жерлесімізді құттықтаймыз! Бағындырар белестеріңіз, алар асуларыңыз көп болсын!

Дина ӘБДІҒАЛИЕВА