Семей қаласында Абай Құнанбайұлының 180 жылдығына арналған қазақ күресінен ересектер арасындағы Қазақстан Республикасының Кубогі өтті.

Ата-бабадан келе жатқан, асыл мұраны ардақтаған бұл жарыс хакім Абайдың туған жерінде өтіп жатқанның өзі  - ерекше мақтаныш. 3 тамыздан бастау алған Кубок жолындағы тартысқа еліміздің барлық өңірінен жиналған мықты командалар қатысты. Кіл мықтылардың ішінен ең үздігі анықталды.

90 келі салмақ дәрежесінде қалалық спорт орталығының директоры Дидар Нықаш бақ сынап, жүлделі ІІІ орынға ие болды.

- Барлықтарыңызды Абай Құнанбайұлының 180 жылдығымен құтықтаймын. Қазақ күресі – жай ғана спорт емес, бұл бойдағы рухты оятатын асыл мұра.  Балуандар өздерінің жоғары шеберлігін көрсете білді.  Бұл үлкен тәжірибе болды. Ұйымдастырушыларға рақмет,- деп Дидар Аманжолұлы өз әсерімен бөлісті.

Дина ӘБДІҒАЛИЕВА