2025 жылдың тамыз айынан бастап, Саран қаласындағы білім беру ұйымдарында Саран қаласы әкімі Бұлқайыр Дарын Бейбітұлының  тапсырмасымен әлеуметтік осал санаттағы отбасыларға жаппай оқыту қорының қаражатынан материалдық көмек көрсету мәселесі бойынша ата-аналармен кездесу өткізілді.

Кездесуге Саран қаласы әкімінің орынбасары Сағынбек Бейскеев, Саран қалалық білім бөлімінің басшысы А.Б. Бақтыбаев, жұмыспен қамту және әлеуметтік бағдарламалар бөлімінің басшысының міндетін атқарушы Н.Н. Курганникова, екі мектептің әкімшілігі және ата-аналар қауымдастығы қатысты.

Шара барысында білім беру ұйымдарында көрсетілетін «Мемлекеттік білім беру ұйымдарының білім алушылары мен тәрбиеленушілеріне қаржылай және материалдық көмек көрсету» мемлекеттік қызметі таныстырылды. Сонымен қатар, әлеуметтік жағынан аз қамтылған отбасыларға атаулы әлеуметтік көмек тағайындау мен оны төлеу тәртібі туралы ақпарат берілді. Ата-аналар тарапынан қойылған сұрақтарға мамандар тарапынан жан-жақты жауаптар беріліп, көмек алу үшін қандай құжаттар қажет екендігі түсіндірілді. Кездесу барысында мемлекеттік қолдаудың ашықтығы мен әділдігін қамтамасыз ету, мұқтаж отбасыларға көмек көрсету механизмдерін жетілдіру мәселелері де талқыланды. Мұндай кездесулер ата-аналармен тығыз байланыс орнатып, мемлекеттік бағдарламалардың тиімді жүзеге асуына ықпал етеді. Қоғамның әлеуметтік тұрғыдан осал топтарын қолдау – ел болашағы саналатын өскелең ұрпақтың білім алуына жасалған нақты көмек екені анық.

Абай атындағы

жалпы білім беретін мектеп