Абай Құнанбайұлының 180 жылдығына орай шағын футболдан аула клубтары және жасөспірімдер арасында турнир өтті.
Саран қаласының спорт орталығы осымен төртінші рет ұйымдастырған турнирде Қарағанды және Саран қаласының жас спортшылары аса белсенді болды. Әдемі ойын өрнегін көрсетіп, тартысты кездесулерімен, қызықты сәттерімен есте қалды. Бастысы – жастар дән риза.
- Әр бейсенбі сайын турнир өтеді. Біз қалай жарнама береміз, сол уақыттан бастап жастар бірден жазыла бастайды. Саранның жастары – футболдан мықты екен. Олардың құлшынысы да керемет. Келесі жылы да бұл дәстүрді жалғастырамыз деген ойдамыз,- деді қалалық спорт орталығы директорының орынбасары Айдана Кошенова.
Турнирдің нәтижесі бойынша «Аңсар» тобы 1-орынмен, «Спартак» тобы 2-орынмен, «Дворовые легенды» тобы 3-орынмен марапатталды. Жүлдегерлерге медальдар мен алғыс хаттар, тәтті сыйлықтар табысталды.
Дина ӘБДІҒАЛИЕВА