8 тамыз күні қалалық мәдениет үйінде  Ата Заңның 30 жылдығына орай қоғам белсендісі, саясаттанушы Серік Мұстафин  «Бір күн - бір бап» айдары аясында қала жастарымен кездесті.

Шара барысында Конституцияның пайда болу тарихы және оның негізгі қағидалары талқыланды. Ата Заң елдің тұрақты дамуын және азаматтардың құқықтарын қорғауды қамтамасыз ететін негізгі құжат екені атап өтілді.

Сондай-ақ, жастардың табиғатқа деген көзқарасы, қоғамдағы рөлі қозғалды. Саясаттанушы Серік Мұстафин өз сөзінде, қазіргі жастар жан-жақты, білімді болу керектігін тілге тиек етіп, өз болашақтары - өз қолдарында екенін айтты. Бос уақытты дұрыс пайдалануға, сапалы білім алуға шақырды.

Дина ӘБДІҒАЛИЕВА