Орталық қалалық кітапханада Ата Заңның 30 жылдығына арналған «Конституция – елімнің еркіндігі» тақырыбында дөңгелек үстел өтті.

Оған қоғам белсендісі, саясаттанушы С. Мұстафин, білім саласының ардагері Қ.Омаров, облыстық адвокаттар коллегиясы «Саран қаласының заң кеңесінің» меңгерушісі Н. Казакова, қалалық мешіттің бас имамы Н. Мұсабеков, орталық қалалық аурухана директорының орынбасары Д. Балгужин қатысты.

Шара барысында саясаттанушы С.Мұстафин Ата Заңның құрылу тарихына тоқталды. Әрі 8 қыркүйек күні Мемлекет басшысы Қасым-Жомарт Тоқаев Қазақстан халқына Жолдауын жариялайтынын атап өтіп, жастарды терең білім алуға, адал еңбек етуге шақырды.

Білім ардагері Қ. Омаров болса, құқықтық сауаттылық пен мәдениеттіліктің маңыздылығын, заң алдында барлығы бірдей екендігін айтты.

Жастарға тек заң талаптары ғана түсіндірілмей, адамгершілікке, салауатты өмір салтын ұстана білуге қатысты тың ақпараттар берілді. «Дені саудың – жаны сау» демекші, спортпен шұғылданудың пайдасы тереңнен түсіндірілді. Сонымен қатар, келушілердің назарына «Қазақстан Конституциясы:  жетістік жолы» атты кітап көрмесі ұсынылды.

Дина ӘБДІҒАЛИЕВА