Тіл – мемлекеттің табан тірейтін тұғырлы темірқазығы. Ұлттың тірегі. Халқымыздың рухани байлығы мен болашағы.

Мағжан Жұмабаев: «Ұлттың ұлт болуы үшін бірінші шарт – тіл болуы», - деп айтып кеткен.

Бүгінде көшеде ілініп тұрған жарнамалардың қатесіне мән бермейтін жағдайға жеттік. Оның аудармасы дұрыс па? Грамматикалық нормасы сақталған ба? Сондықтан да, қоғамдағы тіл мәселесін шешу үшін барлығымыз бірдей атсалыссақ, нұр үстіне нұр болар еді. Әр қазақ осы мәселені терең түсініп, жүрекпен сезінген жағдайда ғана, тіліміздің дәрежесі көтерілмек. Мұхтар Әуезов: «Ел боламын десең, бесігіңді түзе», - деп бекер айтпаса керек.

Тіл болмаса ұлт та болмайды, яғни ұлт бүтіндей өлген, жоғалған ұлт болады. Ең әуелі ана тілі қажет. Ана тілін білмей тұрып, ұлт білімін ала алмайсың. Ұлт білімі болмаса, онда әдебиеттің де болмайтыны өзі – ақ белгілі. Әдебиеті жоқ ұлттың өнері де өршімейді.

Қазақ тілі – бай тіл. Бір сөздің өзінде жоқ дегенде 7– 8 синонимі бар. Ана тілімізге үлкен құрмет көрсетіп, қолда тұрған байлықты бағалауымыз қажет. Біз сыйлаған тілді басқалар да сыйлайды.

Ж. Джумашева,

Саран қаласының ПБ