Саран қаласының әкімі Еркін Баулыковтың төрағалығымен қалалық сыбайлас жемқорлыққа қарсы іс-қимыл жөніндегі комиссияның кезекті отырысы өтті.

«Zoom» платформасында өткен отырыста бірінші болып Саран қаласының ауыл шаруашылығы, жер қатынастары және кәсіпкерлік бөлімі басшысының міндетін атқарушы Олжас Кадырканов «Жер учаскелерін (конкурстық негізде, жеке және заңды тұлғаларға) беру жөніндегі жұмыс, сыбайлас жемқорлық құқық бұзушылықтардың алдын алу бойынша қабылданатын шаралар туралы»  мәселесі бойынша баян етті.

Қасиетті Рамазан айында «Qarmet» көмір департаментінің мұрындық болуымен «Имидж» кафесінде кеншілерге, шахта ардагерлері мен зейнеткерлеріне, кәсіпорында жұмыс істеген барлық жұмысшыларға ауызашар берілді.

Алдымен, Саран қалалық мешітінің наиб имамы Мұхаммедқали қажы Саликов ауызашардың мол сауабы мен оразаның қасиеті туралы қысқаша түсіндіріп кетті.

Қарағанды ​​облысы бойынша Ішкі мемлекеттік аудит департаменті мемлекеттік аудит пен қаржылық бақылаудың негізгі қағидаттарының бірі – ашықтықты іске асыру мақсатында аудиторлық іс-шараларды ұсыну шарттары мен тәртібін сақтау мәселесі, аудиторлық іс-шаралардың нәтижелері және мамандарды әлеуметтік қолдау шараларын іске асыруға республикалық бюджеттен несие беру арқылы бюджеттік кредиттерді пайдалану бойынша облыстың 4 экономика және қаржы бөлімінде, оның ішінде «Бұқар жырау ауданының экономика және қаржы бөлімі» мемлекеттік мекемесінде,  «Осакаров ауданының экономика және қаржы бөлімі» мемлекеттік мекемесінде, «Нұра ауданының экономика және қаржы бөлімі» мемлекеттік мекемесінде, «Шет ауданының экономика және қаржы бөлімі» мемлекеттік мекемесінде жүзеге асырылғанын хабарлайды.

28 наурыз күні Абай Құнанбаев атындағы Саран жоғары гуманитарлық-техникалық колледжде қоғамдық процестерді зерттеу және талдау орталығының атқарушы директоры  Серік Тлекбаев пен Мемлекеттік рәміздер жөніндегі облыстық комиссияның жұмыс тобының мүшесі, облыстық ақпараттық топтың лекторы Шахмарал Кабулова студенттермен кездесті.

Бүгінде елімізде мемлекет пен діни ұйымдар арасындағы өзара қарым-қатынасты айқындаушы саланың бірі рухани, құлықтық, патриоттық білім беру мен тәрбие болып саналады. Келешек ұрпақтың рухани тұрғыда және білім беру жүйесіндегі зайырлылық мәселесі – қазіргі қоғамдағы ең өзекті мәселенің бірі болып отыр. Дін бұл шеңберде адам өмірінің басқа да салаларымен өзара әрекетінің арқасында мәдениеттің құрамдас бөлігі санатында қарастырылады.

Дін саласындағы мемлекеттік саясаттың негізгі қағидаты зайырлылық қағидаты болып табылады. Ел Конституциясында бекітілген зайырлылық қағидаты "Діни қызмет және діни бірлестіктер туралы" заңда егжей-тегжейлі көрсетілген. Заңның тиісті баптары мемлекетті Дін мен діни бірлестіктерден бөледі, бұл сөзсіз Қазақстанның зайырлылығын бекітеді.

Тіл дегенде таңдайдағы тілек, соққан жүректе бөлек. Мемлекеттік тіліміздің әрқайсысымыздың ар - абыройымыздың көрсеткіші екені де анық.

Кез келген тілдің болашағы негізгі үш факторға тәуелді. Олар, атап айтсақ, мәдени әлеуеті, қалыптасқан әлеуметтік база және саяси күштердің тіл саясатына араласуы. Қазіргі қазақ тілінің тағдырына осы үш фактор да қатысып отыр. Мәдениеттің бір бөлшегі саналатын жазумен тілдің болашағы сабақтасып жатыр.

Қазақстан Республикасының  «Тіл туралы» Заңның 21 – бабы, «Жарнама туралы» Заңның 6 – бабына сәйкес деректемелер мен көрнекі ақпарат тілін реттеу және көрнекі ақпаратты екі тілде рәсімдеу бойынша әдістемелік көмек көрсету «Саран қаласының тілдерді дамыту орталығы» КММ негізгі міндеттерінің бірі.

Жалпы жарнама жасау, тарату, оларды орналастыру мәселесі Қазақстан Республикасы «Жарнама туралы» Заңымен реттеледі. Заңның негізгі мақсаты – жөнсіз жарнамаға жол бермеу және оларға тыйым салу болып табылады. Қазақстан Республикасының аумағында жарнама мемлекеттік тілде және орыс тілінде таратылатындықтан, жарнама мазмұнының бір тілден екінші тілге аудармасы оның негізгі мағынасын бұрмаламауы тиіс.

Қаламызда мемлекеттік тілдің ахуалы зерделеніп, көрнекі ақпараттардың «Тіл туралы» заңнама талаптарына сәйкестігі үнемі қадағаланып отырады. 

Саран қаласында алғаш рет «Жайнай бер, Қазақстан!» атты көркемөнерпаздар шығармашылық фестивалі өтті.

  26 наурыз күні қалалық мәдениет үйінің киелі сахнасы ерекше түрлене түсті. Қалалық білім беру мен кәсіподақ ұйымының мұрындық болуымен білім беру ұйымдары арасында  «Жайнай бер, Қазақстан!» атты шығармашылық фестиваль өткізілді.

Биыл «NAURYZ RUN» қайырымдылық марафонында 100-ден аса бала мен 250-ден астам адам  жүгірді.

22 наурыз – Ұлыстың ұлы күнінде Саран қаласында «NAURYZ RUN» қайырымдылық марафоны ұйымдастырылды. Игі шараның басталуы мен аяқталуы дәстүрлі түрде Рабочая мен Новая көшелері арасындағы «Треугольник» қоғамдық орнында өтті. Сол күні Саран қаласының әкімі Еркін Баулыков салауатты өмір салтын насихаттап жүрген барлық қатысушыларды жаңару мен жаңғырудың бастауына айналған Наурыз мейрамымен құттықтап, сәттілік тіледі.