Құрметті Саран қаласының және Ақтас кентінің тұрғындары!
Сіздерді батырлық пен ерліктің, шыдамдылық пен төзімділіктің мерекесіне айналған – Отан қорғаушылар күнімен құттықтаймыз!
Бұл – мемлекеттің, қоғамның және әрбір қазақстандықтың қауіпсіздігін, Отанымыздың тыныштығын қорғап жүрген еліміздің ер азаматтарын ұлықтайтын күн. Тәуелсіз елімізге қалтқысыз қызмет ету және оны қорғау – әрбір азаматтың қасиетті борышы.
Өздеріңіз білетіндей, биыл Қазақстан Республикасы Қарулы Күштерінің құрылғанына 30 жыл. Отанымыздың әскери қызметшілері Қазақстан халқының бейбіт тыныштығын қорғай отырып, әскери қызметті абыроймен атқаруда.
Әскери-патриоттық тәрбие жастар мен өскелең ұрпақтың бойында жаңа қазақстандық патриотизмді қалыптастырудың маңызды бағыттарының бірі болып табылады.
Халқымызда «Ер – елінің қорғаны» деген аталы сөз бар. Отан үшін отқа түскен қаһармандардың биік тұлғаларын ардақ тұтып, есімдерін естен шығармау – бүгінгі ұрпақтың парызы.
Қадірменді жерлестер!
Сіздерді Отан қорғаушылар күнімен құттықтай отырып, баршаңызға мықты денсаулық, ұзақ ғұмыр, отбасыларыңызға амандық тілейміз. Еліміз аман, Тәуелсіздігіміз мәңгі болғай!
