«Қанатында қалқып ән-күйдің» шығармашылық концерті

2022 жылғы 26 мамырда Қарағанды қаласының «Шалқыма» концерт залында Саран қаласы «Балалар өнер мектебі» КМҚК-інің қазақ ұлт аспаптары бөлімі Тәттімбет атындағы қазақ халық аспаптары академиялық оркестрімен бірлескен «Қанатында қалып ән-күйдің» шығармашылық концерті өтті.

Концерт балалар мен жастардың оқуға деген ынтасын арттыру, олардың шығармашылық әлеуетін іске асыру, қазақ халық аспаптарын, қазақ музыкасын танымал ету мақсатында жоспарланып, Қазақстандағы «Балалар жылына» арналды.

Концертке өнер мектебінің домбыра, дәстүрлі ән және қобыз сыныптарының жас педагогтері мен білім алушылары қатысты.

Олар: Жазира Асанова – дәстүрлі ән класының педагогы, Шынар Асабуева – домбыра класының педагогы, РахманАли Акимжанов (педагог: Мусалиева Т.С.), Жансұлу Хишигитқызы (педагог: Медеубаева Г.К.), Ислам Жұмағалиев (педагог: Нурсафина К.К.), Ақниет Жақсылық (педагог: Тулепова С.С.), Алтынбек Зайтхан (педагог: Аскаров Ж.С.), Айым Набиева (педагог: Токсанова М.К.), Кристина Осуховская (педагог: Абжатова Г.С.), Мерейім Кәрімқожа (педагог: Рыскельдинова А.А.), Ақжол Нұрмақанов (педагог:  Токсанова М.К.), Манас Алиев (педагог:  Абжатов К.Х.), «ҮМІТ» домбырашылар ансамблі (жетекшілері:  Г.С.Абжатова, К.Х.Абжатов).

Тәттімбет атындағы қазақ халық аспаптары академиялық оркестрі, дирижері – Әбілқайыр Сағымбаев.

Концерт бағдарламасында қазақ халық музыкасы мен Қазақстан композиторлары Махамбет, Құрманғазы, Тәттімбет, Кенен Әзірбаев, Ахмет Жұбанов, Евгений Брусиловский, Сейілхан Құсайынов, Айтқали Жайымов, Ермұрат Үсенов шығармалары орындалды.

Өнерпаздар көрермендердің ыстық ықыласына бөленді. Көрермендер арасында өнер мектептерінің, музыка мектептерінің білім алушылары, олардың ата-аналары мен педагогтері, Саран қаласы өнер мектебінің барлық бөлімдерінің педагогтері болды, сондай-ақ Тәттімбет атындағы өнер колледжінің педагогтері, дарынды балаларға арналған мамандандырылған мектеп-интернатынан, Саран қаласының білім беру бөлімінің өкілдері қатысты.

Шығармашылық концерт Саран қаласы білім беру бөлімінің Алғыс хатын академиялық оркестр ұжымына тапсырумен аяқталды.

Өнер мектебінің балалары кәсіби музыканттармен бірге үлкен сахнада өнер көрсететін мұндай концерт мектеп тарихында алғаш рет ұйымдастырылды. Бұл білім алушылар үшін шығармашылық өсуіне және музыкамен айналысуды одан әрі ынталандыруға ықпал ететін жарқын, маңызды іс-шара.

Балалар өнер мектебі