Зорлық-зомбылық туралы арызбен 102 нөмері бойынша дереу полицияға хабарласыңыз немесе qamqor.gov.kz порталы арқылы онлайн-арыз беріңіз.

Жарақат алған жағдайда 103 нөмері бойынша жедел жәрдем шақырыңыз. Полиция қызметкерінен сот-медициналық куәландыруға жолдама алыңыз.

150 тегін нөмері немесе +77081060810 нөмері (WhatsApp), telefon150.kz сайты арқылы тәулік бойы жұмыс жасайтын Балаларға, жастарға және зорлық-зомбылық көріп отырған адамдарға арналған ұлттық бірыңғай сенім телефонына хабарласыңыз. Онда Сізге психологиялық және құқықтық көмек көрсетіледі. Хабарласудың жасырын мен құпияда болуына кепілдік беріледі.

Сіздің өміріңіз бен денсаулығыңызға қауіп төнген жағдайда, Сіз дағдарыс орталықтарынан баспана сұрай аласыз.

Сондай-ақ әйелдер істері және отбасылық-демографиялық саясат жөніндегі комиссияға жүгіну қажет, онда Сізге кеңес беріледі және қажетті қолдау көрсетіледі.