100 ЖЫЛ. БҰЛ КӨП ПЕ, АЗ БА? БІР АДАМ ҮШІН - ТҰТАСТАЙ ҒҰМЫР, ҰЖЫМ ҮШІН – ҚОМАҚТЫ КЕЗЕҢ, АЛ ТАРИХ ҮШІН – ӘРИНЕ, БІР ҒАСЫР ҒАНА УАҚЫТ. МІНЕ,БИЫЛ САРАН ШАҺАРЫНДАҒЫ ІРГЕЛІ БІЛІМ ОРДАСЫ, ІРГЕТАСЫ СОНАУ ҚАРҚАРАЛЫНЫҢ ТОПЫРҒАНДА ҚАЛАНҒАН ҚАСИЕТТІ ҚАРА ШАҢЫРАҚ, ХАКІМ АБАЙДЫҢ ЕСІМІН АРҚАЛАҒАН САРАН ЖОҒАРЫ ГУМАНИТАРЛЫҚ-ТЕХНИКАЛЫҚ КОЛЛЕДЖІНЕ 100 ЖЫЛ ТОЛДЫ! БҰЛ - ҮЛКЕН ҚУАНЫШ, ЗОР МӘРТЕБЕ!
Өткен ғасырдың 20-шы жылдарын Қарақаралыдағы қарапайым техникум болып өз жұмысын бастаған білім ошағы 50-ші жылдары оқу орындарға жүргізілген оңтайландырудың нәтижесінде Абай атындағы Қарағанды педучилищесі деп аталады. Содан 1952 жылы Саран қаласына қоныс аударылды. Міне содан бері Саран шаһарының тіршілігімен біте қайнасып, колледж оқытушылары мен студенттері қаламыздың мәдени-әлеуметтік, саяси іс шараларына белсене қатысып келеді. Осы игі белестерге толы уақыт ішінде колледжден мыңдаған мамандар өмірге жолдама алды. Республикамызға және шет елдерге танымал көптеген елеулі азаматтарды тәрбиелеп, қанаттандырды. Өңірдегі білім саласындағы мамандарды даярлайтын орта арнаулы бірден бір оқу орнына айналды. Ақыл мен парасаттылықты, ерлік пен мейірімділікті өзіне сыйдыра білді.
Оқу ордасы 100 жылда сан мыңдаған түлектерді қанаттандырды. Олардың ішінде елімізге ғана емес, аты әлемге әйгілі Кеңес Одағының Батырлары, Кеңес одағының және тәуелсіз Қазақстанның академиктері, қоғам және мемлекет қайраткерлері, ғылым докторлары мен кандидаттары, экономика, техника және бизнес саласының майталмандары, білім беру саласының үздіктері мен құрметті қызметкерлері де бар. Олардың есімдері колледж тарихында алтын әріптермен жазылып, бүгінгі буынға үлгі өнеге болуда.
Үстіміздегі жылдың 22 желтоқсанында қара шаңырақтың 100 жылдық мерейтойына арналған салтанатты жиын өткен болатын. Саран қаласының мәдениет үйінде өткен салтанатты жиынға Қарағанды облысы білім басқармасының басшысы Қожахметова Гүлсім Шабданқызы, Саран қаласы әкімінің орынбасараы Оспанов Ералы Серікұлы, Саран қалалық мәслихатының хатшысы Баймағанбетов Өміржан Зейнешұлы, Қарағанды облысының техникалық және кәсіптік білім беру оқу орындарының директорлар кеңесі, Қарағанды қаласы білім бөлімінің басшысы Әшім Есентай Мұқатайұлы, Саран қаласы білім бөлімінің басшысы Бақтыбаев Арман Болатұлы, Саран қаласы кәсіпкерлік палатасының басшысы Махмутов Е.А, әлеуметтік серіктестер қатысты.
Іс-шара барысында облыстық білім басқармасының басшысы Гүлсім Қожахметова, қала әкімінің орынбасараы Ералы Оспанов, қалалық мәслихаттың хатшысы Өміржан Баймағанбетов колледж ұжымын атаулы датамен құттықтап, мерейтойға орай ардагер педагогтарға мерейтойлық медальдады, колледж оқытушыларына мемлекеттік наградаларды, Оқу-ағарту министрлігінің, Қарағанды облысы білім басқармасының, Қарағанды облысы әкімінің, Саран қаласы әкімінің Құрмет грамоталарымен және алғыс хаттарын салтанатты түрде табыстады.
Атап айтқанда, Абай Құнанбаев атындағы Саран жоғары гуманитарлы-техникалық колледжі директорының оқу ісі жөніндегі орынбасары Муфталова Аққу Құсайынқызы, педагогика және психология пәндерінің оқытушысы Зейнетоллина Үміт Көбестайқызы Қазақстан Республикасының білім беру саласындағы ерекше еңбегі үшін «БІЛІМ БЕРУ ІСІНІҢ ҚҰРМЕТТІ ҚЫЗМЕТКЕРІ» төсбелгісімен, колледждің технология бөлімінің меңгерушісі Савельева Елена Михайловна, колледж оқытушылары Махаметчин Ернар Дулатұлы, Баймолдина Анар Сабырқызы, Аманбекова Нұргүл Азибековна Қазақстан Республикасы Оқу-ағарту министрлігінің Құрмет грамоталарымен, директордың оқу-өндірістік ісі жөніндегі орынбасары Идрисова Меруерт Әбілтайқызы, колледж оқытушылары Касимова Бақытжамал Сағындыққызы, Габдуллина Күнтуар Мейрамқызы, Күленбаева Айбарша Исатайқызы, Рахимбаева Айжан Сағатқызы, Сулейменова Алмагүл Жастілекқызы, Козлова Елена Оскаровна Қазақстан Республикасы Оқу-ағарту министрлігінің алғыс хаттарымен, колледждің қазақ бөлімі меңгерушісі Күнеділова Ақмарал Дәріғұлқызы, колледж оқытушылары Абжатов Ғабиден Хамитұлы, Баймбетова Алтын Тельмановна, Сарбасова Сауле Ерғазықызы, Недова Нина Васильевна, Мазур-Соцкая Татьяна Владимировна Қарағанды облысы әкімдігінің алғыс хаттарымен, шет тілдері бөлімінің меңгерушісі Рудневская Наталия Борисовна, оқытушылар Құлпейсова Назира Елубайқызы, Голев Владимир Михайлович, Нурсалиева Жанат Ахмедиянқызы, Шаповалова Надежда Павловна, Федькина Марина Анатольевна, Омарова Күландам Абжанқызы, Жаяубаев Жанбол Қарымсақұлы, Кашина Елена Александровна, Аханова Гүлнұр Мұратқызы, Шибитова Татьяна Леонидовна Білім беру саласын дамытуға қосқан мол үлесі мен педагогикалық қызметте шығармашылық табыстарға қол жеткізіп, біліктілік танытқаны үшін Қарағанды облысы Білім басқармасының Құрмет грамоталарымен марапатталды.
Ал колледждің оқытушылары Мұрат Дәулетбай, Шапинская Галина Васильевна, Денеева Айгерім Рымқұлқызы, Галеева Гульзира Радиковна, Тотаева Алия Талғатқызы, Бектемирова Айсенім Айткенқызы, Рыбинцева Надежда Федоровна, Базылевская Анастасия Сергеевна білім беру саласының өркендеуі жолында адал қызмет етіп, жас ұрпақты оқыту мен тәрбиелеудегі ерен еңбегін жоғары бағалап және қоғамдық жұмыстарға белсене араласқаны үшін Қарағанды облысы Білім басқармасының Алғыс хаттарымен марапатталды.
Сонымен қатар, колледж директорының ақпараттық технологиялар жөніндегі орынбасары Қозыбағаров Амангелді Ибадуллаұлы, дене тәрбиесі және спорт бөлімінің меңгерушісі Рымбеков Қуаныш Саттарұлы, колледж оқытушылары мен қызметкерлері Теленков Сергей Андреевич, Узбекова Эльвира Флюровна, Тунгушбекова Алия Ашимхановна, Ходан Ирина Павловна, Федулова Валентина Петровна, Загайнова Юлия Валерьевна, Гаршанова Ирина Роландовна, Болдырева Татьяна Андреевна, Аббазова Екатерина Алексеевна Саран қаласы әкімдігінің Құрмет грамотасымен марапатталды.
Бұдан бөлек, оқуда үздік атанып, түрлі мәдени-бұқаралық іс-шараларға қатысып, белсенділік танытып жүрген колледж студенттері де назардан тыс қалмады. Мәселен, колледждің Әкімшілік кеңесінің шешімі бойынша оқу орнының 100 жылдық мерейтойына орай оқудағы жоғары көрсеткіштері және оқу орнының, қаланың қоғамдық өміріне белсе қатысқаны үшін колледж студенттері Оразханұлы Серікбол, Аманбай Асқар, Ибраев Нұртай, Шәріп Дамира, Бенко Евгения 50 000 көлемінде директорлық стипендия иегерлері атанды.
Ал БҚтӘ-11-21 тобының студенті Бекежан Дамир Елжасұлы Қазақстан Республикасының еңбек сіңірген ұстазы, Саран қаласының Құрметті азаматы, Абай атындағы педагогикалық училищесінің 1947 жылғы түлегі, аталған білім ордасын 1976-1996 жылдары басқарған Әбікенов Қабдырахман Әбікенұлы атындағы шәкіртақы иегері атанса, БМ-9-20 тобының студенті Құлжабаева Арайлым Жандосқызы мен МД-9-21 тобының студенті Абайқызы Айшуақ Ұлағатты ұстаз, белгілі ғалым, педагогика ғылымдарының кандидаты, Қазақстанның еңбек сіңірген қызметкері, Тәуелсіз Қазақстанның төл оқулықтарының негізін қалаушы, «Биология», «Зоология», «Дүниетану» оқулықтарының авторы Күлжан Жүнісқызы атындағы шәкіртақы иегері, ҚтӘ-9-21 тобының студенті Марат Алтынай Жанболатқызы, Қазақстан Республикасы Мемлекеттік сыйлығының иегері, филология ғылымдарының докторы, профессор, белгілі лингвист ғалым, Абай атындағы педагогикалық училищесінің 1947 жылғы түлегі Болғанбаев Әсет Болғанбайұлы атындағы шәкіртақы иегері атанды.
Мерекелік концертке халықаралық, республикалық байқаулардың лауреаттары атанған түлектер, сондай-ақ колледж студенттері қатысып, оқу орнын Қали Байжанов атындағы облыстық концерт бірлестігінің әншілері 100 жылдық мерейтойымен құттықтады.
Шапағат ҚОСШЫҒҰЛОВ
Суретті түсірген Камила ОСПАНОВА
