Қандай механизм?

Кәсіпкер жатақханаларды өз қаражаты есебінен салады. Мемлекеттік тапсырыс бойынша төлемдер құрылыс аяқталғаннан кейін және студенттердің нақты тұруы үшін ғана жүргізіледі.

Шарттары қандай?

Бір студентке жатақхана салу кезінде 6 жыл ішінде жылына 195 АЕК төленеді.  Бір студентке қайта құру кезінде 8 жыл ішінде жылына 47 АЕК.

6 жыл ішінде кәсіпкер жаңа студенттік жатақхана салу үшін ала алады:

- Бір студент үшін 4 млн. теңге;

8 жыл ішінде кәсіпкер ғимаратты студенттік жатақханаға реконструкциялағаны үшін ала алады:

- Бір студент үшін 1.2 млн. теңге;

Яғни, 100 төсек-орынға арналған студенттік жатақхана салу кезінде мемлекет 6 жыл ішінде кәсіпкерге ғимараттың амортизациясы үшін 403 млн.теңге төлейді.

Студенттік жатақхананы 100 төсек-орынға реконструкциялау кезінде мемлекет 8 жыл ішінде кәсіпкерге ғимараттың амортизациясы үшін 129 млн.теңге төлейді..

Бұл ретте, мемлекеттік тапсырыс бойынша төлемдер аяқталғаннан кейін объект кәсіпкердің меншігінде қалады.

Төлемдер 6 жыл ішінде ай сайын 12 ай, тіпті жатақханада студенттер болмаған жазғы демалыс кезеңінде де төленеді.

Мемлекеттен төленетін төлемдерден басқа, кәсіпкер студенттерге тұру үшін жалдау ақысын белгілеуге құқылы, бұл оның кірісіне есептеледі. Сондай-ақ, кәсіпкер студенттік жатақханада қосымша табыс табу үшін дүкен, шаштараз және т.б. коммерциялық үй-жайларды орнатуға құқылы.

Жатақханалардағы орын тапшылығы мәселесі барлық өңірлер үшін өзекті болып отыр. Статистикаға сәйкес, жатақханаға мұқтаж студенттер саны 63 мыңнан асады.

1 орын – Алматы қ. - 26581

2 орын- Астана қ. - 13102

3 орын - Түркістан облысы-6208

4 орын- Ақмола облысы - 3649

5 орын- Солтүстік Қазақстан облысы – 2791

6 орын- Абай облысы-2612

7 орын- Шымкент қ. - 1485

8 орын- Қостанай облысы – 1360

9 орын- Алматы облысы – 1212

10 орын - Павлодар облысы-910

11 орын - Батыс Қазақстан облысы-550

12 орын - Қарағанды облысы-507

13 орын - Шығыс Қазақстан облысы-488

14 орын - Жамбыл облысы-468

15 орын - Қызылорда облысы-425

16 орын - Ақтөбе облысы – 360

17 орын- Ұлытау облысы-108

18 орын - Атырау облысы-35.

Мемлекет тарапынан ақшалай төлемдер түріндегі қолдау және жоғары қажеттікті ескере отырып, кәсіпкерлерге қазір қонақ үй немесе кампусқа қарағанда студенттік жатақхана салу әлдеқайда тиімді деген қорытынды жасауға болады.

Бағдарламаның операторы "Қаржы орталығы" АҚ болып табылады және бағдарламаға қатысу үшін жерге құқық белгілейтін, сәйкестендіру құжаттарымен, заңды тұлғаның болуы туралы құжаттармен алдын-ала келісімшарт жасасуға өтінім беру жеткілікті.

Бағдарлама туралы толық ақпаратты қаржы орталығының fincenter.kz сайтынан немесе 8-800-080-28-28 нөмірі бойынша алуға болады.