Тіл  туралы  жазу, ол  туралы  айтудан  қашпау да, жалықпау да керек.  Себебі  тіл  бүкіл  бір халықтың  жүрегі. Оның бойында ұлттық болмыс,  ұлттық  рух,  дәстүр  мен  салт  жатыр. Сондықтан әр халық өз тілінде  мақтанып қана қоймай, оны дамытып, жұмыс  жасауы  керек. Себебі кәзір  әлемде   жойылып  кетуі  мүмкін  тілдер  қатары бар. Бұл тілдер  қолданыстан  қалып, сөйлеуі  мен  өмір  сүруін  тоқтатқандар.

Оған басты себеп сол  ұлттың  немесе  халықтың жойылып  кетуі тікелей себеп болады. Одан қала берді  отарға  тап   болған елдердің де тілдері сол держава  тіліне  бағынып, өз өмір сүру салтын  жоғалтады. Тіл – ең  ұлы қару.   Тіл –  ең асыл құндылық. Тіл – ең керемет қатынас құралы. Әлемдегі ең көп таралған тіл – ағылшын тілі. Себебі оның таралу және қолдану аймағы кең. Ал ең сұлу тіл деп француз тілін атайды. Дегенмен  осы қатарға өзіміздің қазақ тілін де қосуға болады.  Неге ?

Қазақ тілі – әлемдегі  мағынасы  көп, синонимдік  тіркесі мол, сөйлеу стилі сұлу, ерекше тіл. Тек  қолданатын  халықтың саны  аз демесеңіз, бұл тілдің  құдіреті  ерекше.

 Абайға дейін  жыраулар, ақындар, батырлар  мен  хандар, шешендер  осы ана тіліміз  арқылы  дау  шешіп, соғыстың  бетін  қайтарған. Абайдан кейінгі қазақ  тілінің  ерекше  қолданысқа  түсуі, оның  қазақ  поэзиясын  халық ішіне идіріп  әкелуі. Абай  тілінде  сұлулық  пен ерекшелік   үндесіп  жатыр.

Ендеше  біздің  де  тіл өлмесе, ертеңгі  ұрпақ үшін, жалпы  адамзат үшін үлкен  мәнге  ие болары  сөзсіз. Өз тілімізді  сүйе отырып, өзге  тілге  құрмет  білдірейік. Тілсіз  тірліктің  тасы  өрге  домаламайды  десек,  қателеспейміз.

Ж.Джумашева,

Саран  қаласының  ПБ