Бүгін: 21.06.2024
Тіркеу: Қазақстан Республикасы Ақпарат және коммуникациялар министрлігінде. 2017 жылғы 18 қаңтардағы No 16307-G куәлік (1999 жылғы 16 қыркүйектегі № 869-G алғашқы тіркеу нөмірі мен күні)

2023  жылдың желтоқсан айының 25 күнінен бастап 2024 жылдың қаңтар айының 03 күніне дейін Саран қаласы мен Ақтас кентінің аумағында «Пиротехника» жедел алдын алу іс-шарасы өткізіледі.

Саран қаласының ПБ қызметкерлері Жаңа жыл мерекесі қарсаңында түрлі пиротехникалық заттар мен бұйымдарды пайдалану кезінде абай болуға шақырады.

Әсіресе, жаңа жылдық мерекелік отшашулар адамдар көп жиналатын жерлерде, соның ішінде жабық бөлмелерде өткізілсе, әртүрлі жарақаттар, күйік және дене жарақаттары қаупі артуы мүмкін.

«Лицензиялау туралы» Қазақстан Республикасы Заңының 20-бабына сәйкес пиротехникалық заттар мен олар қолданылған бұйымдарды әзірлеу, өндіру, сатып алу және өткізу міндетті лицензиялауға жатады. Осыған байланысты азаматтық пиротехникалық заттар мен олар қолданылған бұйымдарды сақтауды, саудалауды, есепке алуды, пайдалануды, тасымалдауды, жоюды, әкелуді және әкетуді жүзеге асыратын барлық заңды және жеке тұлғалардың осы қызмет түріне тиісті лицензиясы және сақтауға рұқсаты болуы тиіс.

«Азаматтық пиротехникалық заттарды және олар қолданылған бұйымдарды сақтау, есепке алу, пайдалану, тасымалдау, жою, әкелу, әкету қағидаларына» сәйкес пиротехникалық заттардың бөлшек саудасы тек дүкендерде, бөлімшелер мен дүкендердің бөлімдерінде, павильондар мен дүңгіршектерде жүзеге асырылады.

Заңды және жеке тұлғалардың аталған заттармен лицензиясыз және рұқсатсыз еркін саудасына тыйым салынады. Соңғы жылдардағы тәжірибе көрсеткендей, Жаңа жыл қарсаңында азаматтар көп жиналатын орындарда, сауда орталықтары, дүкендер, базарлар маңында пиротехникалық заттар белсенді түрде сатылады.

Сапасыз пиротехникалық заттарды қолдану салдарынан тұрғындардың, әсіресе балалардың жарақаты мен жарақаттануын болдырмау үшін полицейлер тек сертификатталған өнімдерді сатып алуды ұсынады.

Ал пиротехникалық бұйымдарды сатып алғанда азаматтар, сатушылардан  лицензия немесе  сертификатты талап ете алады.

Азаматтық пиротехникалық бұйымдарды лицензиясыз және рұқсатсыз сатқаны үшін,  ҚР ӘҚБтК-нің 109-бабына сәйкес,  25 айлық есептік көрсеткіш мөлшерінде айыппұл салу түрінде әкімшілік жауапкершілік қарастырылғанын еске саламыз!

Саран қаласының ПБ