Тілге деген құрмет – халыққа деген құрмет. Тілсіз халықтың, елдің өмір сүруі мүмкін емес. Әлем таңыған ел болу үшін, тіліміздің жұлдызын биіктетуіміз  керек. Тіл қастерлі де, қасиетті ұғым. Ол әрбір адамға ана сүтімен бірге еніп, қалыптасады. Ана тілін сүйген адам – туған жерін, елін, Отанын, атамекенін сүйеді деген сөз. Ал, бұлардың  бәрі – адам баласы үшін ең қасиетті ұғымдар. Өмірдің  алмастай  қырын, абзал  сырын  түсіне  білуіне   басты себепкер – Ана тілі!

Тіл –  өткеннің   ұрпаққа   қалдырған   аманаты, бүгінгі   күннің абыройы, ертеңгі   күннің   кепілі. Сондықтан да өз ана тіліміздің қадірін біліп, өз тілімізде дұрыс сөйлесе білу – әр қазақ баласының бірден – бір міндеті болып табылады. Мемлекеттік  тіл, яғни, қазақ  тілі – әлемдегі  алты  мыңға  жуық тілдердің   ішіндегі  қолдану  өрісі  жағынан  жетпісінші, ал тіл байлығы мен көркемдігі, оралымдығы  жағынан   алғашқы ондықтар қатарындағы тіл. Сондай – ақ, ол дүние  жүзіндегі  ауызша  және  жазбаша   тіл мәдениеті   қалыптасқан  алты жүз тілдің  және мемлекеттік мәртебеге  ие екі жүз тілдің қатарында  тұр.

Қазақстанда  тұратын  жүзден аса  ұлт  өкілдері,   Қазақстанның халқын, оның ішінде  қазақ  халқының  тұрмыс – әдебиетін, әдеп –ғұрыпын, мәдениетін, әдебиетін,  тілін  білулері міндетті.

 Ж. Джумашева,

Саран  қаласының  полиция бөлімі