10 желтоқсан күні қала әкімінің орынбасары С.Бейскеевтің төрағалығымен, Саран қаласы прокуроры Ж. Накишевтің қатысуымен қылмыстық жазалар мен қылмыстық-құқықтық ықпал ету

шараларын орындайтын органдар мен мекемелердің қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру жөніндегі Саран қаласы әкімдігі жанындағы консультативтік-кеңесші органның  кезекті отырысы өтті.

Отырыс барысында 3  мәселе талқыланды. Күн тәртібінде ең бірінші болып қалалық пробация қызметі бастығының міндетін атқарушы Дайана Байбахтинаның  2024 жыл бойынша пробация қызметінің есебінде тұрған адамдармен атқарылған жұмысы жайлы дайындаған баяндамасы тыңдалды. 

Қалалық пробация қызметінде жыл басталғалы жүйелі түрде ақпараттық-түсіндіру жұмыстары жүргізіліп келеді. «Сен жалғыз емессің» ақпараттық караван, акциялар ұйымдастырылды. Одан бөлек істі болған азаматтардың бос уақытын және пайдалы жұмыспен қамтылуын ұйымдастыру, спорт пен салауатты өмір салтын насихаттау мақсатында 4 спорттық іс-шара өткізілген. Осы тұрғыда қалалық жұмыспен қамту және әлеуметтік бағдарламалар бөлімі, Саран қаласының мәдениет, тілдерді дамыту, дене шынықтыру және спорт бөлімімен және мансап орталығымен де бірқатар іс-шаралар легі ұйымдастырылған. Үйлесімді жұмыстың арқасында пробация қызметінде есепте тұрған азаматтарды жұмыспен қамтуға, жұмысқа орналасуға және әлеуметтік көмекке жәрдемдесуге бағытталған шаралар өткізілген. 

Сондай-ақ, консультативтік - кеңесші органның 2025 жылға арналған жұмыс жоспары мен «Пробация» кабинетін ашу мәселесі де қарастырылды. Әрі комиссия мүшелері жыл қорытындысын жасай келе, алдағы жұмыстарын талқыға салып, пробация қызметіндегі азаматтарды жұмыспен қамтуға және қолдау шараларына байланысты бірқатар мәселелерді пысықтады.

Дина ӘБДІҒАЛИЕВА