Саран қаласында желтоқсан айының 11 күні Саран қаласы білім бөлімінің «Достық үйі» балалар-жасөспірімдер шығармашылық орталығы КМҚК «Сарыарқа дарыны» балаларға қосымша білім беру аймақтық ғылыми-практикалық орталығымен бірлесіп, қазақ композиторларының әндерін ұлықтап, жас өнерпаздардың бойында мәдениетін және өнерін сақтау, әнге деген қызығушылығын арттыру мақсатында Қазақстан Республикасының Тәуелсіздігі күніне арналған «Жарқын жұлдыз» облыстық эстрадалық ән фестиваль байқауын өткізді.
Байқауға облысымыздың түкпір-түкпірінен қосымша білім беру ұйымдарының (шығармашылық орталықтары, сарайлары, оқушылар үйлері) орта білім беру ұйымдарынан, колледждерден, вокалдық үйірмелерден 77 вокалист қатысып, кіші, орта, үлкен, ересек жас ерекшелігі бойынша бақтарын сынады. Дүбірлі дода «Сарыарқа дарыны» БҚББ АҒПО» әдіскері Бекбосын Жайдарман Болатқызының алғы сөзімен басталып таңнан басталған байқау кешке дейін жалғасын тапты. Аталған шараға қазылық етуге қазылар алқасының төрағасына Дубовка кенті өнер мектебінің эстрадалық ән сыныбының мұғалімі, әнші музыкант Рауан Абзалбекұлы Ахметов, Жүргенов атындағы өнер академиясының түлегі, өнертану ғылымдарының магистрі, республикалық, халықаралық байқаулардың жеңімпазы, Тәттімбет атындағы өнер коледжінің ұстазы Тоқсанова Айгерім Амангелдіқызы және облыстық республикалық ән байқауларының лауреаты, №2 балалар өнер мектебінің эстрадалық ән сыныбының оқытушысы Мұхаметқали Саян Мақсатқызы қазылық етті. Байқауда қаланың намысын қорғаған «Достық үйі» балалар-жасөспірімдер шығармашылық орталығы, «Әуен» вокалды студиясының әншілері өнер көрсетіп, өте жоғары нәтижелерге қол жеткізді. Атап айтар болсақ, кіші топта Темірбек Әбілмансұр III орынға тұрақтаса, үлкен топта өнер көрсеткен Каштаева Ұлту байқаудың бас жүлдесін, Тәттіғалы Нұрдана II орынға тұрақтады. Ересектер тобында бақтарын сынаған әншілердің барлығының қанжығалары майланды. Атап айтар болсақ, Шалқар Іңкәр бас жүлдені жеңіп алса, Дюсембекова Карина I орын, Амангелдиева Айзере мен Тайтаева Мадина II орын, Аманбек Мейіргүл мен Серік Шапағат III орынды қанжығаларына байлады. Жеңімпаздарды жоғары деңгейде дайындаған ұстазы, педагогика ғылымдарының магистрі, қалалық, облыстық республикалық байқаулардың лауреаты, ұстаз-зерттеуші Шаймұрат Сәлдетке «Сарыарқа дарыны» балаларға қосымша білім беру аймақтық ғылыми-практикалық орталығының алғыс хаты табысталды.
Шаймұрат Сәлдет
қосымша білім беру педагог
«Достық үйі» БЖШО
