Қала күні құтты болсын!

Бүгін Саран қаласы - 70 жасқа толды. Осы айтулы күнмен шын жүректен құттықтаймыз!

Саран өзінің 70 жылдық тарихында Қазақстанның әйгілі және табысты қалаларының біріне айналды.

Саран – өткені мен болашағы бар жарқын қала.

Бұл мерекеде ардагерлерге, еңбек сіңірген шеберлерге, туған өлкеміздің еңбек шежіресіне өлшеусіз үлес қосқан барша жандарға ерекше алғыс айтамыз.

Саран әрқашан өзінің еңбек дәстүрімен танымал болған. Оны кеншілер, құрылысшылар, әлеуметтік қызметкерлер, шығармашылық зиялы қауым өкілдері жасап, арттыра білген. Олар тұрғын үйлерді, мектептер мен балабақшаларды, мәдениет мекемелері мен ауруханаларды салды, көлік инфрақұрылымын құрды. Бұл дәстүрлер  бүгінде жалғасын тауып, Саран қаласының барша тұрғындары қаланың және бүкіл еліміздің дамуына лайықты үлесін қосуда.

Бүгін мерейтойға орай өткенге көз жүгіртсек, 113 тұрғын үй қосылған орталық жылу көзі іске қосылғанын атап өткен жөн. Қалалық «Сұңқар» стадионына қайта жөндеу жұмыстары жүргізілді. Орталық даңғылдағы үйлердің қасбеттері жаңартылды. 2 мыңнан астам абонент жаңа су құбырына қосылған, бұл жергілікті инфрақұрылымды айтарлықтай жақсартты. Аулалар мен кенттерді, аулаішілік және автомобиль жолдарын абаттандыру жұмыстары жүргізілуде. 15-тен астам ойын алаңы орнатылды. Дәл осы жерде республикадағы ең ірі күн электр станцияларының бірі салынды. Индустриалды аймақты дамытудың арқасында біз көптеген жұмыс орындарын құрдық және РТИ-ды дамытуды белсенді түрде жалғастыратын боламыз.

Саран енді моноқала емес. Бұл туралы Мемлекет басшысы өз Жолдауында айтқанын білесіздер.

Жыл сайын қала заманауи, әдемі және жайлы болып келеді. Бүгінде Саран қаласы –  70-тен астам этнос өкілдері тату-тәтті өмір сүріп жатқан Қазақстан халқы Ассамблеясының шағын үлгісі. 

Біз жастарымыз бен өскелең ұрпағымызды мақтан тұтамыз. Жыл сайын біздің  жасөспірімдер мен жас спортшыларымыздың, жұмысшы, кәсіпкерлік, шығармашылық және ғылыми жастар өкілдерінің есімдері туған өлке мен елдің даңқты шежіресіне алтын әріптермен жазылады.

Саран қаласына гүлденіп, өркендей беруін, ал оның дарынды да талантты және еңбекқор тұрғындарына зор денсаулық, бақыт, отбасылық амандық тілейміз. Мерейтой құтты болсын!