8 қаңтар күні қалалық мәдениет үйінде қала әкімінің  орынбасары Сағынбек Бейскеевтің төрағалығымен кәмелетке  толмағандардың істері және олардың құқықтарын қорғау  жөніндегі комиссияның отырысы өтті. Осы жолы күн тәртібінде  екі мәселе қаралды.

Бірінші мәселе бойынша №1 мектеп-лицейінде директордың тәрбие ісі жөніндегі орынбасары Ирина Денисовская «№1 мектеп-лицейі» КММ-нің балаларды зорлық-зомбылықтан қорғау, суицидтің алдын алу және олардың құқықтары мен әл-ауқатын қамтамасыз ету бойынша кешенді жоспарды жүзеге асыру жұмыстарын талдау туралы баяндады.

Комиссия отырысында күн тәртібіндегі екінші мәселе бойынша, яғни  Қарағанды облысының білім беру басқармасының Саран қаласы білім бөлімінің «№7 мектеп-интернаты» КММ-нің аз қамтылған және көп балалы отбасылардан шыққан балалармен жұмысы туралы  №7 мектеп-интернаты директорының тәрбие ісі жөніндегі орынбасары Мадина Серикованың ақпараты  тыңдалды.

Комиссия мүшелері қос мәселеге қатысты ой-пікірлерін айта отырып, балалардың  сабақ үлгеріміне, тәлім-тәрбиесіне қатысты атқарылған жұмыстарға жете назар аударды.

Қала әкімінің орынбасары аталған мәселелер бойынша тиісті орындарға тапсырмалар жүктеді. Әсіресе, кәмелетке толмағандар істері бойынша туындаған жұмыстарға салғырттық танытпауға, психологиялық-педагогикалық қолдау жұмыстарына бақылауды күшейтуге, әрі жұмыстың нәтижелі болуына аса мән берілді. Ортақ мәселелер туындап жатса, оны да бірлесіп шешу бойынша ұсыныстар талқыланды.

Дина ӘБДІҒАЛИЕВА