Саранда қысқы президенттік көпсайыстан қалалық жарыс өтіп, жеңімпаздары анықталды.

Жыл сайын Саран қаласында қысқы спорт түрлерінен жарыстар ұйымдастырылып тұрады. Дәстүрлі өткізіліп жүрген қысқы президенттік көпсайысқа биыл 100-ден астам адам қатысуға ниет білдірген.

- Оған біздің мектептер, колледждер, сондай-ақ, ұстаздар мен қала тұрғындары қатысты. Өткен жылдарға қарағанда биыл қатысушылар саны көп. Азаматтардың спортқа деген қызығушылығы жыл сайын артып келе жатқанына қуаныштымыз, - деді «Саран қаласының мәдениет, тілдерді дамыту, дене шынықтыру және спорт бөлімі» мемлекеттік мекемесінің бас маманы Мұхаммедрахым Арнешов.

Бірінші күні барлық қатысушылар пневматикалық мылтықтан оқ ату жарысында мергендігін көрсетті. Сондай-ақ, ұлдар белтемірден тартылудан, қыздар жерден кеудені көтеруден жарысқа түскен. Екінші күні сауатты өмір салтын насихаттап жүрген спортшыларымыз шаңғыдан бақтарын сынап көрген. Жеңімпаздар мен жүлдегерлер грамоталармен және медальдармен марапатталды.

Жаза кетейік, биыл қаламызда тағы айтулы спорттық шаралардың бірі - «Ақ қыс – 2025» қысқы спартакиадасы өткізілмек.  Бұл жарыс – облыстық қысқы спартакиадаға қатысу үшін спортшыларды іріктеудің маңызды кезеңі болып табылады.

Дина ӘБДІҒАЛИЕВА