Қазақстанда мемлекеттік санитариялық-эпидемиологиялық бақылауға жататын өнімнің жарнамасы «Халық денсаулығы және денсаулық сақтау жүйесі туралы» Қазақстан Республикасы Кодексінің 56-бабының 1-тармағымен, сондай-ақ «Мемлекеттік санитариялық-эпидемиологиялық бақылаудағы және қадағалаудағы мемлекеттік тіркеуге жататын өнімдердің (тауарлардың) жарнамасын жүзеге асыру қағидалары» Қазақстан Республикасы Денсаулық сақтау министрінің м.а. 2020 жылғы 27 қазандағы № ҚР ДСМ-160/2020 бұйрығына сәйкес реттеледі.

Ережелер өнімнің (тауардың)келесі түрлеріне қолданылады:

- балалар тағамына арналған тамақ өнімдері, оның ішінде балалар тағамына арналған ауыз су;

- диеталық емдік және диеталық профилактикалық тамақтануға арналған тамақ өнімдері;

- емдік-асханалық және емдік табиғи минералды су;

- спортшылардың, жүкті және бала емізетін әйелдердің тамақтануына арналған тамақ өнімдері;

- тағамға биологиялық белсенді қоспалар (бұдан әрі – ББҚ);

- ересектерге арналған жеке күтім заттары;

- тамақ өнімдерімен жанасуға арналған бұйымдар (ыдыс-аяқтан, асхана керек-жарақтарынан, технологиялық жабдықтан және қаптамадан (тығындау құралдарынан) басқа);

- сүт емізіктері, латекстен, резеңкеден немесе силиконнан жасалған емізік;

- парфюмерлік-косметикалық өнімдер

- дезинфекциялық, дезинсекциялық және дератизациялық құралдар және т. б.

-Еуразиялық экономикалық одақтың техникалық регламенттерімен және (немесе) бірыңғай санитариялық-эпидемиологиялық және гигиеналық талаптарымен сәйкестікті бағалау тіркеу (мемлекеттік тіркеу) нысанында белгіленген өзге де өнім (тауар).

Өнімді (тауарды)жарнамалауға қойылатын талаптар:

1) Қазақстан Республикасының аумағында жарнама (мерзімді баспасөз басылымдарын, интернет-ресурстарды, ақпараттық агенттіктерді қоспағанда) қазақ тілінде, ал жарнама берушінің қалауы бойынша орыс және (немесе) басқа да тілдерде таратылады;

2) мәтіндік жарнама анық және түсінікті қаріппен оқылады, басып шығарылады; аудио жарнама анық және анық аудио сүйемелдеумен орналастырылады; бейне жарнама анық және анық дыбыстық және бейне сүйемелдеумен орналастырылады;

3) сенімді және танылатын болып табылады;

4) тұтынушылардың сенімін теріс пайдалану арқылы, оның ішінде сипаттамаларына, құрамына, тұтынушылық қасиеттеріне, құнына (бағасына), қолданудың болжамды нәтижелеріне, зерттеулер мен сынақтар нәтижелеріне қатысты тұтынушыларды жаңылыстырмайды;

5) өнімнің (тауардың) сауда атауын және өндірушінің атауын қамтиды;

6) егер бұл өнімнің (тауардың)атауынан туындамаса, өнімнің (тауардың) мақсаты туралы мәліметтерді қамтиды;

7) егер өндіруші көрсеткен болса, олар үшін арналған адамдардың санаты туралы мәліметтерді қамтиды;

8)негізгі көрсеткіштермен, қолдануға қарсы көрсетілімдермен және жанама әсерлермен (олар болған кезде) танысу қажеттігі туралы Нұсқауды қамтиды;

9) Қазақстан Республикасында және (немесе) Еуразиялық экономикалық одаққа мүше мемлекеттерде мемлекеттік тіркеудің болуы туралы ақпаратты қамтиды;

10) жарнамаланатын өнімді (тауарды) өндіруге және (немесе) өткізуге Қазақстан Республикасының заңнамасымен рұқсат етіледі;

11) ББҚ жарнамасы сондай-ақ:

құрамына кіретін белсенді компоненттер туралы мәліметтерді;

қолдану тәсілі мен дозаларды;

негізгі жанама әсерлерді (бар болған жағдайда);

негізгі қарсы көрсетілімдерді (бар болған жағдайда);

балаларға, жүкті әйелдерге, сондай-ақ бала емізу кезеңіне қатысты ерекше нұсқауларды (бар болған жағдайда);

сату шарттарын;

қолдануға көрнекі және түсінікті ұсынымдарды;

өндірушісінің және өндіруші Қазақстан Республикасында шағымдарды қабылдауға уәкілеттік берген тұлғаның атауын, мекенжайын;

жарнамалау объектісінің дәрілік зат болып табылмайтындығы туралы ескертуді;

қоғамдық көлікте, оларды тағайындауға, пайдалануға және сатуға қатысы жоқ ұйымдарда, өнеркәсіптік өнімдерде, рецептуралық бланкілерде таратпауды және орналастырмауды көздейді;

12) дезинфекциялау құралының жарнамасы сондай-ақ:

дезинфекциялау құралын қолдану жөніндегі ұсынымдарды;

дезинфекциялау құралымен жұмыс істеу кезіндегі сақтық шараларын көздейді.

Теле-және радиоарналарға, интернет-ресурстарға арналған жарнама осы тармақтың 5), 6), 8) және 9) тармақшаларында көрсетілген ақпаратты қамтиды.

«Саран қалалық санитариялық-эпидемиологиялық бақылау басқармасы» РММ