- Сіз осындасыз ба:
-
Басты
- Жаңалықтар
- 387
Биылғы жылды еліміз күрделі ахуалмен бастады. Әуелде бейбіт шерумен басталған оқиға қанды қырғынға ұласып кете барды. Кім кінәлі, мұның астарында не жатқанын білмей дал болған халықтың ойы да екіге бөлінді. Түрлі пікірлер айтылды. Оқиғаға қатысы барлар тұтқындалды. Қисынға салар болсақ, «кінәлі ме, жазасын алуы керек» деу де дұрыс шығар. Бірақ, алаңға шыққанның бәрі саналы түрде әрекет етті ме әлде дүрмек жетегінде кетті ме? Қандай қадамға барғанын сезді ме? Мәселе осында еді. Президент Қасым-Жомарт Тоқаев «Қасіретті қаңтар» оқиғасына қатысып, істі болғандарға қатысты «Рақымшылық жасау» туралы заңға қол қойды. Бұл «Әділетті Қазақстан» жолындағы маңызды қадам болды.
Рақымшылық, әлбетте, Қаңтар оқиғасына арналған бір реттік акция. Қасым-Жомарт Кемелұлы кінәсін мойындағандарға рақымшылық жасау керектігін және олардың кінәлілік дәрежесі орташа ауырлықтағы санатқа жататынын атады.
Рақымшылық жасау еліміздің заңнамасы үшін таңсық емес. Статистикалы деректер бұған дейін тәуелсіздік жылдарында мерейтойлық күндерге орай жеті рет рақымшылық жасалғанын көрсетеді. Бірақ, бұл жолғы рақымшылықтың орны өзгерек, сипаты басқа. Себебі, бұл заңның қабылдануының астарында адамгершілік қасиеттер жатыр.
Қаңтар оқиғасында 5 мыңға жуық қылмыстық іс қозғалды. Сотталғандардың дені халықтың әлеуметтік жағынан қорғалмаған топтары екенін білеміз. Бірі – алаңға кездейсоқ тап болса, бірі – себеп-салдарын ойланбастан, дүрмекке ілесіп барды. Көбісі не болып жатқанын түсінген де жоқ. Олардың барлығы – қазақстандықтар, отандастарымыз. Бірі – отбасының жалғыз асыраушысы, бірі – студент, бірі – саясаттан хабары жоқ қарапайым халық. Осы жағдайда білмей істеген қатесі үшін қылмыскер ретінде жазалап, өміріне балта шапқан қаншалықты дұрыс?! Президент қол қойған заң елімізде ең алдымен адами капитал маңызды екенін көрсетті. Себебі, осы жолғы рақымшылықтың әлеуметтік маңызы бар.
Одан бөлек, рақымшылыққа іліккендердің отбасына қатысты да ешқандай заңды шектеу болмайтыны қуантады. Мәселен, рақымшылық жасалғаннан кейін оның балалары болашақта мемлекеттік немесе әскери қызметке кіргенде еш кедергі болмайды. Қасым-Жомарт Кемелұлы осындай қадамға бара отырып, мемлекетіміздің болашағы үшін ойланған әрі сараланған дұрыс шешім қабылдады. Әлбетте, бұл шешімді халық та қуана қарсы алғаны анық. Бұл өз кезегінде мемлекетке, билікке деген сенімді қалыптастырып, халық үшін дұрыс әрі оңтайлы шешім қабылдай алатынын көрсетті. Демек, заң аясында әрекет еткеннің жазалы болмайтынына, қиын жағдайда көмек қолын соза алатын басшысының, билігінің бар екеніне көзі жетті. Болар дүние болды. Оны тарихтан да, санадан да өшіріп тастай алмайтынымыз анық. Бірақ, талай олқы дүниенің басы ашылып, кімнің кім екені танылды. Дәл осыдан кейін халықтың да көзі ашылып, көкірегі оянды деуге де әбден болады. Қанша адам болса, сонша пікір болады. «Қай санатқа жататынына қарамастан, сотталғандардың барлығы жазасын алуы керек емес пе?» деген пікірлер болуы заңды. Бұл ретте қылмыскерлердің қауіпті бөлігі ретіндегі жаппай тәртіпсіздіктерді ұйымдастырушылар, билікті асыра пайдаланған және азаптаған адамдар, қайталап қылмыс жасағандар, террористер мен экстремистер рақымшылыққа жатпайтынын да ескеру керек. Олар заң бойынша тиісті жазасын алады әрі ол әділетті болмақ. Ал, өзгелері үшін бұл жағдай үлкен өмірлік сабақ болғаны анық.
Мұрат ӘБІЛОВ,
облыстық мәслихат депутаты.
- 436
16 желтоқсан – Қазақстан Республикасының Тәуелсіздік күніне орай Қарағандыда «Қазақ халқының мұрасы» кітаптар сериясының Qazaq club бастамасымен «Тәуелсіздік белгісінің» тұсаукесері өтетін болады.
- 380
Баршаларыңызды мемлекеттік мереке – Қазақстан Республикасының Тәуелсіздігі күнімен құттықтаймыз!
Тәуелсіздік күні - Қазақстанның бүгіні мен болашағы үшін ұлттық бірлік пен ортақ азаматтық жауапкершіліктің символы.
- 682
ЖЕЛТОҚСАН АЙЫНЫҢ 2 ЖҰЛДЫЗЫНДА САРАН ҚАЛАСЫ БІЛІМ БӨЛІМІНІҢ ҰЙЫМДАСТЫРУЫМЕН «ЖЫЛ ОҚУШЫСЫ - 2022» ҚАЛАЛЫҚ БАЙҚАУЫ ӨТТІ.
Ондағы мақсат – оқушылардың білім деңгейін арттыру, оларды білімнің әртүрлі салаларында дербес ғылыми-зерттеу және шығармашылық жұмысқа тарту, тұлғалық қабілеттерінің жаңа деңгейін қалыптастыру болды.
- 429
ҮСТІМІЗДЕГІ ЖЫЛДЫҢ 5 ЖЕЛТОҚСАНЫНДА ҚАЛАЛЫҚ ОРТАЛЫҚ АУРУХАНАДА ЖАС ДӘРІГЕР МАМАНДАР АНТ ҚАБЫЛДАДЫ?
Орталық аурухана мамандарының айтуынша, биыл аталған мекемеге жалпы тәжіри бойынша 16 дәрігер, 4 медбике, 2 фельдшер және 1 фармацевт келген екен. Жас мамандарды қатарға қабылдау жиыны барысында олар берген анттарына адал болуға серт беріп, аурухана басшылығы тарапынан жас мамандарға стетоскопы бар тонометрлер, автоқаламдар мен блокнот секілді естелік сыйлтар табыс етілді.
- 441
Ғасырлар бойы қалыптасқан ұлттық таным-түсінік, салт-дәстүр сол халықтың мәдениетін жасайды, ол қоғамның өзгеруіне байланысты дамиды әрі жаңа тұрпатқа ие болып отырады. Тәуелсіздік алған отыз жылдың ішінде қазақ халқының рухани байлығы толығып, халқымызға мирас болған мол мұрамыз толысып, жетіліп келеді.
- 602
Тәуелсіздік алғалы бері қоғамдық қызу талқылаудың тақырыбына арналған басты мәселенің бірі – тіл мәртебесі. Президент алғашқы жолдауында қазақ тілінің қолданыс ауқымын кеңейту мәселесіне ерекше тоқталды. Ол, қазақ тілінің мемлекеттік тіл ретінде рөлі күшейіп, ұлтаралық қатынас тіліне айналатын кезеңі келді. Бірақ бұндай дәрежеге жету үшін бәріміз даңғаза жасамай, жұмыла жұмыс жүргізуіміз керек деді.
- 491
Біздің елімізде көптеген ұлт өкілдері тұрады. Әр халықтың өз ана тілі бар. Адам дүниеге келгеннен бастап, өмір бойы тілмен бірге тіршілік етеді. Ана тілі адам баласының бойына ана сүтімен сіңеді.
- 457
Қазақстан Республикасының «Тіл туралы» Заңының 4-бабында «Қазақстан Республикасының мемлекеттiк тiлi - қазақ тiлi. Мемлекеттiк тiл - мемлекеттiң бүкiл аумағында қоғамдық қатынастардың барлық саласында қолданылатын мемлекеттiк басқару, заң шығару, сот iсiн жүргiзу және iс қағаздарын жүргiзу тiлi. Қазақстан халқын топтастырудың аса маңызды факторы болып табылатын мемлекеттiк тiлдi меңгеру - Қазақстан Республикасының әрбiр азаматының парызы», - делінген. Сондықтан да әр мемлекеттік қызметші, мемлекеттік тілде іс жүргізуге міндетті.
- 459
МЕМЛЕКЕТТІК ТІЛ ЕГЕМЕН ЕЛІМІЗДІҢ НЕГІЗГІ РӘМІЗДЕРІНІҢ БІРІ. КЕЗ КЕЛГЕН ӨРКЕНИЕТТІ ЕЛДІҢ ӨЗІНІҢ РӘМІЗДЕРІ, ШЕКАРАСЫ БОЛАТЫНЫ СЕКІЛДІ МЕМЛЕКЕТТІК ТІЛІ ДЕ БОЛАДЫ. ДЕМЕК, МЕМЛЕКЕТТІК ТІЛ ДЕ — МЕМЛЕКЕТТІГІМІЗДІҢ НЕГІЗГІ АТРИБУТТАРЫНЫҢ БІРІ. БІЗДІҢ АТА ЗАҢЫМЫЗДА «ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ТІЛІ — ҚАЗАҚ ТІЛІ» ДЕП ЖАЗЫЛҒАН. ӘРБІР ҚАЗАҚСТАНДЫҚ АТА ЗАҢЫМЫЗДЫҢ ТАЛАПТАРЫН ОРЫНДАУҒА ТИІС. ТІЛ ҰЛТ ПЕН ҰЛТТЫ ЖАҚЫНДАСТЫРАТЫН ЕҢ ҮЛКЕН ҚАТЫНАС ҚҰРАЛЫ. АДАМ ТІЛ АРҚЫЛЫ БІР-БІРІМЕН БАЙЛАНЫСА АЛАДЫ.
