Мемлекеттік қызметші – қоғам мен билік арасындағы дәнекер, алтын көпір болып табылады. Оның ар-ожданы биік, әделетті әрі ұйымдастырушылық қабілетін барын қоғам бағалайды. Себебі халықтың сенімі мемлекеттік қызметті қаншалықты сапалы көрсеткендігіне қарап нығая түседі. Сондықтан да, әрбір мемлекеттік қызметкер халықтың алдында жауапкершілік жүгін анық сезінуі үшін ең алдымен өзінің моральдық-әдептік құндылықтарын дамытуға күш салуы тиіс.  Саран қаласы бойынша әдеп жөніндегі уәкілі – мемлекеттік қызметшілердің әдеп стандарттарын сақтауын бақылауға және қамтамасыз етуге жауапты. Әдеп жөніндегі уәкілдің рөлі қала әкімшілігінің қызметінде маңызды орын алады. Өйткені ол мемлекеттік қызметшілердің моральдық және әдеп нормаларын сақтап, өз міндеттерін адал, әрі кәсіби түрде орындауын қадағалайды.

Бүгін еліміздің дамуына, Саран қаласының өркендеуіне сүбелі үлесін қосып келе жатқан, сый-құрметке лайық ел азаматы, қалалық қоғамдық кеңестің төрағасы  Қайырбек Қойшыбайұлы Омаров мерейлі 70 жасқа толды.

10 шілде – ветеринариялық қызметкер күні қарсаңында ветеринария қызметкерлерінің ерен еңбегіне құрмет көрсету мақсатында абыройлы ардагеріміз ветеринариялық-санитарлық сараптама зертханасының маманы туралы айтқымыз келеді.

Орыстың атақты физиолог ғалымы, академик Иван Павловтың «Медицина адамды емдесе, ветеринария адамзатты емдейді» деген сөзі бар. Негізі көптеген ауру адам мен жануарларға ортақ болып келетіні, малдан адамға түрлі кеселдер жұғатыны белгілі. Сондықтан да ветеринария саласы адам денсаулығы мен өмірін сақтауда маңызды рөл атқарады.  

Саран қаласында Астана күніне орай «Мерейлі отбасы» ұлттық байқаудың жеңімпазы мен жүлдегерлері анықталды.

Саран қаласында бірінші рет «Happy dog»  фестивалі өтті. «Happy dog» сөзін ағылшын тілінен аударғанда «Бақытты ит» деген мағынаны білдіреді. Өз атауында тұрғандай бұл фестиваль өзге шаралардан мейірімділігі мен қамқорлығымен ерек. Себебі онда кез келген қала тұрғыны өзіне сенімді серік, адал дос таба алды.

Қалалық «Сұңқар» стадионында мұндай форматта алғаш рет адамның төрт аяқты достарына арналған ауқымды шара ұйымдастырылды. Үй жануарлары, әсіресе иттер, иелерінің физикалық белсенділігін арттырады. Олармен серуендеудің өзі адам денсаулығының жақсаруына зор септігін тигізеді. Бұл фестивальде ит ұстаушылар сүйікті жануарларының өнерлерін ел назарына паш етті. Ол үшін үлкені мен кішісін қызықтыра білетін байқаулар өткізілді. Ең алдымен «Дефиле» бөлігінде қатысушылар үй жануарларын таныстырып, олармен бірге  қызыл кілемнің үстінен жүріп өткен. «Викторина» бөлігінде жануарларға қатысты қойылған сұрақтардан жаңылмауға тиіс болған. Командалық ойындардың орны тіпті бөлек. Себебі бұл жерде әр иттің қабілеті мен өнері бағаланған. Бәрінен  Босc есімді ит көптің назарын өзіне қаратты.

Оқушылар үшін ең қызықты мезгіл – жаз маусымы. Балалар алаңсыз асыр салып ойнап, жазғы демалысында бір жасап қалатыны сөзсіз.  Бұл уақытта жазғы лагерьлердің де жұмысы қыза түседі. Патриоттық тәрбие мен салауатты өмір салтын насихаттап жүрген қаламыздағы сауықтыру лагерьлердің бірі – «Бәйтерек» лагері.

Биыл №1 мектеп-лицейдің базасында «Бәйтерек» мектеп жанындағы сауықтыру лагері әдеттегідей өз жұмысын 1 маусым күні бастап кеткен. Лагерьдің негізгі мақсаты -  балалардың бос уақытын тиімді ұйымдастыру, шығармашылық қабілеттерін жан-жақты бағытта дамыту. Осы тұрғыда мектеп лагерінде алдын ала жоспар құрылған. Бекітілген жұмысқа сәйкес, балалармен түрлі ойындар, байқаулар өткізілген.

Биыл лагерьге бас-аяғы 30 бала қатысты. Әр күн сайын міндетті түрде денені қыздыратын, ұйқыдан оятатын ширату жаттығулары жасалды. Оқушылар түскі астан кейін ашық аспан астында ойындар ойнап асыр салды. Әрі спорттық-бұқаралық іс-шаралар, тілдік алаң, робототехника бағыттары бойынша үйірме жұмыстары жүргізілді. Сақтық шараларына да аса мән берілді. Күн сайын тәрбиешілер судағы қауіпсіздік шаралары және өрт қауіпсіздігі ережелері туралы ақпарат сағатын өткізіп тұрды. Лагерь бұрышында қауіпсіздік ережелері туралы парақшалар, сондай-ақ, барлық құтқару қызметтерінің телефондары ілінді. 

Саран қаласының тілдерді дамыту орталығы мемлекеттік тілдің ахуалын үнемі сүзгіден өткізіп, зерделеп отырады. Осы бағытта жұмыс қарқыны да артуда.

Бүгінде қалалық тілдерді дамыту орталығында «Көрнекі ақпарат пен жарнама сауаттылығы» әлеуметтік жобасы аясында  көрнекі ақпарат құралдарына мониторинг жүргізіліп тұрады. Көрнекі ақпарат құралдарына не жатады? Оған  көшеде ілініп тұрған баннерлер, маңдайшалар, түрлі хабарландырулар мен көзге түсетін жарнамалар, баға көрсеткіштері  және тағы басқа да елдегі қоғамдық-саяси, әлеуметтік-экономикалық жағдайға әсер ететін маңызды құралдар кіреді. Ондағы мағлұматтың дұрыс аударылуы мен сауатты жазылуы Саран қаласының тілдерді дамыту орталығының әрдайым бақылауында.

Өкінбе, әке, отың бар сөнбейтұғын,

Ол мәңгілік жанады көрмей тыным.

Ұрпағың бар, ел менен ер намысын,

Тірі тұрса, қолынан бермейтұғын.

Мұқағали Мақатаев

ҚР Президентінің халықтың құқықтық және қаржылық сауаттылығын арттыру жөніндегі тапсырмасын орындау және «Халық үніне құлақ асатын мемлекет» тұжырымдамасы шеңберінде Қарағанды облысы бойынша Экономикалық тергеп-тексеру департаментінің екінші тергеу басқармасының басшысы Жандар Ибрагимов және ұйымдастыру-бақылау басқармасының басшысы Қуат Избанов Саран қаласының тұрғындарымен кездесіп, «Қаржылық қауіпсіздік» тақырыбында дәріс өткізді.

Қазіргі таңда интернет-алаяқтар өз қылмыстық ойын жүзеге асыру үшін әртүрлі әлеуметтік желілерді кең пайдаланып отыр. Олардың арбауына кез келген адам түсіп қалуы ықтимал. Күннен-күнге интернет дамыған сайын алаяқтардың жаңа әдіс-тәсілдері де өзгере бастайды. Сол себепті онымен күресу қоғам үшін маңызды міндет. Осы тұрғыда Қарағанды облысы бойынша алаяқтықтың алдын алу мақсатында кешенді шаралар атқарылып келеді.