Қазақ халқының ұлттық және рухани құдылықтар турасындағы танымы мен сенімі ерекше. Ұлттық құндылықтарды қадірлеп, қастерлеп, ұрпақтан-ұрпаққа жеткізсе, діннің адам мен қоғам арасын жалғастырушы, жарастырушы және үйлестіруші қасиетін жете түсініп, оны жан мен тән тазалығын сақтайтын, парасат тағылымдарын демеуші, адамға үлгі-өнеге беретін, пейілге мейірім ұялататын рухани күш ретінде бағалаған.

Ұлттық құндылықтар – олардың тарихи өзіндік ерекшелігі Отан, тіл, тарих, өнер, әдебиет және тағы басқалар сияқты көрініс тапқан қандай да бір этностық қауымдастық өкілдерінің рухани идеалдарының жиынтығы.

Бабаларымыздың қастер тұтып, атадан балаға аманаттап, жүрекке дарытып келген асыл қасиеттері көп.

Халқымыз сырт көзбен емес, жүрекпен ұғатын адамгершілік құндылықтарды жоғары дәріптеген. Иман-қазақ халқының рухани дүниетанымындағы парасат пайымымен сабақтасып жататын өте кең өлшемді ұғым.

Қалалық Аналар кеңесі мектеп педагогтері мен оқушыларымен кездесіп, мазмұнды шараның өтуіне атсалысты.

Саран қаласының Аналар кеңесі әрдайым жас буын өкілдеріне тәлім-тәрбиені, әдеп-ғұрып пен салт-дәстүрді насихаттап келеді. Жыл сайын шырайлы жүздесулер мен тағылымды кездесулерді өткізуді әдетке айналдырған.

Саран жастары  «Маусымашар 2024» республикалық фестивалінде табысты өнер көрсетті.

Ел ордасы Астана қаласында 4-12 ақпан аралығында «Маусымашар 2024» республикалық фестивалі өтті. Жарысқа жан-жақтан командалар келіп, қоғамда көрініс тапқан оқиғалар мен түйіткілді мәселелерді астарлы әзіл-қалжыңмен жеткізуге тырысқан. Сақадай сай дайындалған топтардың қатарында  Саран қаласының намысын қорғаған «Саран құрамасы» да болды. Әзілқойлар мен тапқырлардың басын қосқан республикалық фестивальде  жерлестеріміздің жұлдызы оңынан туып, аймақтық лигаға жолдама ұтып алды.

Сауатты жарнама – тіл тазалығының белгісі. ҚР Тіл туралы заңына сәйкес, қаламыздағы маңдайшалар, хабарландырулар, жарнамалар, баға көрсеткiштерi, ас мәзірлері, басқа да көрнекi ақпарат мемлекеттiк тiлде, қажет болған жағдайда  орыс тiлiнде немесе басқа да тiлдерде жазылады.

Биыл Абай Құнанбаев атындағы Саран жоғары гуманитарлық-техникалық колледждің қабырғасында ашылған «Сырласу» клубы өз ісін жандандыра түсті.

8 ақпан күні талай әдемі кештер, жарқын жүздесулер мен шырайлы дидарласуларды  ұйымдастырған «Сырласу» клубына Абай Құнанбаев атындағы Саран жоғары гуманитарлық-техникалық колледждің 2009 жылғы түлегі, «Нұрсана» балаларды дамыту орталығының негізін қалаушысы Назым Ерланқызы Аканова шақырылып, қадірменді қонағы болды.

15 ақпан күні Саран қаласында Кеңес әскерінің Ауғанстан жерінен шығарылғанына 35 жыл толуына орай жауынгер-интернационалистерге арналған ескерткішке гүл шоқтары қойылып, ерлікпен қаза тапқан жауынгерлер еске алынды.

Қазақстанда қоғамның экономикалық және әлеуметтік жаңғыртулардың аса маңызды көріністерінің бірі тіл саласындағы саясат болып табылады. Қазіргі көптілділік және мультимәдениет заманында тілдердің түйісуі, қоғамды жұмылдыру жөнінде тілдер саласында тиімді және өміршең бағдарламаларды іздеп табу аса маңызды да күрделі мәселе.

«Секуляризм» сөзі «дін және мемлекет істерін бір-бірінен бөлек ұстау» деген мағына береді. Бұл сөз латын тіліндегі «заман» мағынасындағы «saeculum» сөзінен шыққан. Орта ғасырларда секулярлық ұғымы шіркеу қызметкерлерінің монастірлік өмірдегі қызметінен кетіп, зайырлы өмірдегі діни қызметті атқарумен байланыста қолданылды.

Ана тіліміз – ата – бабамыздан келе жатқан жетпес мұра. Сол себепті, әр адам ана  тілін  көзінің  қарашығындай   қорғауға, оның  тазалығын  сақтауға міндетті. Дегенмен  де, ана тілімізді  шұбарлап, өзге  тілдің сөздерімен араластырып  сөйлейтіндер де  жиі кездеседі. Тіптен, туған тілінен безіп,  менсінбеушілікпен  қарап, қазақша сөйлеуге ұялатындарды көргенде, белгілі жазушы  Ғабит   Мүсіреповтің   «Тілін   білмеген,  түбін  білмейді», –  деген сөзі ойымызға еріксіз түседі. Әлемдегі ең жақсы адам – өз ана тілін қадірлеп, құрмет  тұтқан  адам. Әрине, бұл  өзге тілді меңгеруіне бөгет болмайды, қайта адамгершілікке, шын патриот болуға жетелейді.

12 ақпан күні Кеңес әскерлерінің Ауғанстан жерінен шығарылғанына 35 жыл толуына орай  №1 мектеп-лицейінде мектеп оқушылары Ауған соғысының жауынгері және ардагері Павел  Юрьевич Земспен кездесті.

Отанға деген патриоттық сезімін арттыру және ардагерлерге деген құрмет сезімін қалыптастыру мақсатында «Батыр арамызда өмір сүреді» атты  ұйымдастырылған шарада он жылға созылған қиян-кескі соғыс жайлы мағлұмат берілді.  Ауған соғысының ардагері Павел Юрьевич Земс оқушыларға өз өмірінде өткен сұрапыл соғыс жайлы айтып берді.