Қазақстанда 1 ақпанда коронавирустан жаппай иммундау басталды. Ресейлік Н.Ф.Гамалеи атындағы эпидемиология және микробиология ғылыми-зерттеу орталығы әзірлеген Гам-КОВИД-Вак («Спутник V») вакцинасы қолданылуда. Кеше ғана әлемдегі жетекші медициналық ғылыми журналдардың бірі – Lancet (Ұлыбритания) SARS-CoV-2 коронавирусын жұқтыруға қарсы вакцинаның тиімділігі 91,6%-ды құрағанын хабарлады. Сонымен қатар, «Спутниктен» кейінгі иммунитет, кем дегенде, екі жыл сақталуы мүмкін екендігі дәлелденді. Орталық коммуникациялар қызметінде өткен брифинг барысында еліміздің бас мемлекеттік санитарлық дәрігері Ерлан Қиясов осындай мәліметтерді келтірді.

Халықты иммундаумен қамту үшін Қазақстанда вакциналар мен ресурстар жеткілікті ме? Сәуір айында дәрігерлер, полицейлер, мұғалімдер және студенттерден кейін науқанды кезең-кезеңмен жүзеге асыруға сәйкес, қарапайым азаматтарға вакцинация жасалады. Алдыңғы шептегі қызметкерлерге екпе салу сәтті жүргізілсе, ерікті негізде вирустан тегін «қорғанысты» пайдаланғысы келетін адамдар көп болады. Мысалы, 2 миллион адам. Ведомство қандай шаралар қабылдайды?

Вакцинаны алғаннан кейін оның салдары болған жағдайда процестің барлық қатысушылары жауап береді: өндірушіден бастап медициналық мекемелерге дейін. Бұл туралы Орталық коммуникациялар қызметінде өткен брифингте бас мемлекеттік санитарлық дәрігер хабарлады. Бұдан басқа, Ерлан Қиясовтың айтуынша, өңірлердегі қоғамдық денсаулық сақтау басқармаларының жанынан бейінді мамандар қатарынан сараптамалық топтар құрылды. Теріс реакция болған жағдайда комиссия тергеу жүргізеді және тиісті шаралар қабылдайды.

3 ақпандағы жағдай бойынша республикада коронавирустық инфекция жұқтырған жағдайы ауыр науқастардың саны 310 адамды құрады. Өсім Атырау, Қарағанды, Павлодар облыстарында, Нұр-Сұлтан мен Алматыда тіркелді. ӨЖЖ-де 52 науқас бар. Күніне 30-дан 51 адамға дейін реанимацияға түсті. Орталық коммуникациялар қызметінде өткен брифингте Денсаулық сақтау вице-министрі Ажар Ғиният осындай деректерді келтірді.

Елімізде адамның вирустың тасымалдаушысы болып табылатындығын немесе табылмайтынын анықтауға мүмкіндік беретін мобильдік қосымша іске қосылады. Ол ПТР ортақ базасымен интеграцияланады және QR-код арқылы жұмыс істейді. Пилоттық жоба Алматы және Нұр-Сұлтан қалаларында жүзеге асырылуда. Бұл туралы Орталық коммуникациялар қызметінде өткен брифингте «Атамекен» ҚР ҰКП басқарма төрағасының орынбасары Нариман Әбілшайықов мәлімдеді. Оның айтуынша, осы айда жобаға 55-тен аса кәсіпкер қатысуда.

Қарағанды облысының бас мемлекеттік санитарлық дәрігерінің 19 қаңтардағы №2-Қ «Қарағанды облысында шектеу іс-шараларын күшейту туралы» қаулысымен өңір тұрғындарына қызмет түрі рұқсат берілмеген объектілерге баруға, сондай-ақ жұмыс режиміне сәйкес олар жабылғаннан кейін жұмыс істеп тұрған объектілерде болуға тыйым салынады.

Қарағанды облысының әкімі Жеңіс Қасымбек SARYARQA телеарнасында 19 ақпанда халықпен есеп беру кездесуін өткізеді. Сондай-ақ теміржолшылар мәдениет үйлерінде, "Молодежный", Жаңа Майқұдық, Достық үйінде және Кеншілер мәдениет сарайында LED-экрандар орнатылады.

Бүгінгі күні мониторингтік топтар қоғамдық тамақтану орындарында, сауда объектілерінде, сондай-ақ қаланың қоғамдық көліктерінде санитариялық-эпидемиологиялық нормалардың бұзылуын анықтау бойынша күндізгі және түнгі рейдтер жүргізуде. 

Қазіргі уақытта облыста 193 мобильді топ жұмыс істейді. 

САРАН ШАҺАРЫНДАҒЫ №4 ЖАЛПЫ БІЛІМ БЕРЕТІН МЕКТЕБІ БҰДАН БЫЛАЙ  ҚАЗАҚ ХАЛҚЫНЫҢ ҰЛЫ АҚЫНЫ АБАЙДЫҢ ЕСІМІМЕН АТАЛАДЫ.

2020 жылдың 21 желтоқсанында Қазақстан Республикасы Үкіметінің қаулысымен Қарағанды облысындағы 18 білім беру ұйымы мен 1 мәдени нысанға көрнекті тұлғалардың есімі берілді. Дәл сол күні Саран қаласындағы  №4 жалпы білім беретін мектебі хакім Абайдың есімімен аталды. Бұл тарихи оқиға іргелі білім ордасының мерейін асқақтатып қана қойған жоқ, көптің тілегін де қабыл етті.

2021 жылғы 10 қаңтарда

Қазақстан Республикасы Парламенті Мәжілісі және мәслихаттары депутаттарының кезекті сайлауы өтеді

Дауыс беру күнінде 18 жасқа толған және белсенді сайлау құқығына ие Қазақстан Республикасы азаматының Қазақстан Республикасы Парламенті Мәжілісінің және мәслихаттарының депутаттарын сайлауға мүмкіндігі бар.

Сіздің сайлаушылар тізімінде болуыңыз сайлауға қатысуға конституциялық құқығыңыздың іске асырылуының кепілі болып табылады.

Сіз өзіңіз туралы мәліметтерді Саран қаласы әкімдігі Call-орталығының 74007 телефоны бойынша сайлаушылар тізімінен, сондай-ақ өзіңіздің сайлау учаскеңізден тексере аласыз.

Сайлауға қатысыңыз! Өз таңдауыңызды жасаңыз! Сіздің дауысыңыз шешуші!

Саран қаласының әкімі

Е.О. Темирханов